మన గుంజపడుగులో.. తెలంగాణా ఉద్యమకారులు అధ్బుత రీతిలో నిరసన వ్యక్తం చేశారు..
సమైక్యాంధ్ర అంటూ రెండు వేరు వేరు రాజకీయ పార్టీలకు చెందినా వీరిదరు ఒకరికి ఒకరు ప్రేమ ఒలకపోసుకోవాదాన్ని చిత్రీకరిస్తూ ఈ తంతు వెలది ప్రజల సమక్షంలో సాంప్రదాయ పద్దతిలో నిర్వహించారు. ఆ ఫోటోలు చూడండి....
గుంజపడుగలో గడపాటి, నన్నపనేనిల విహాహాం
తెలంగాణా ప్రాంతానికి ద్రోహులుగా మారిన విజయవాడ ఎంపి లగడపాటి రాజగోపాల్‌, ఎమ్మెల్సీ నన్నపనేని రాజకుమారి తెలంగాణా ద్రోహులుగా చిత్రీకరించి వారిద్దరి డూప్‌లకు శనివారం తెలంగాణా సాంప్రదాయం ప్రకారం వైభవంగా వివాహాం జరిపించి ఐదు గ్రామాల ప్రజలకు భోజనాలు ఏర్పాటుచేసి వినూత్న రీతిలో నిరసన తెలిపిన సంఘటన మంథని మండలం గుంజపడుగ గ్రామంలో జరిగింది. వివరాలు ఈవిధంగా ఉన్నాయి గుంజపడుగ గ్రామంలోని అన్ని పార్టీలకు చెందిన నాయకులు ప్రజలు కలిసి ఐక్యకార్యచరణకమీటీ పేరుతో గత వారం రోజుల నుండి రిలే నిరాహారదీక్షలు చేస్తూన్నారు. శనివారం వారు వినూత్న రీతిలో తెలంగాణా ఏర్పాటుకు మొదటి నుండి అడ్డంకిగా ఉన్న లగడపాటి రాజగోపాల్‌, నన్నపనేని రాజకుమారిల వేషదారణతో ఉన్న ఇద్దరి వ్యక్తులకు వందలాది మంది సమక్షంలో తెలంగాణా పద్దతిలో వారికి వివాహాం చేశారు. గ్రామంలోని ప్రజలతో పాటు మంథని మండలంలో వివాహానికి సంబంధించి కార్డులను పంపిణీ చేశారు. శనివారం లగడపాటి రాజగోపాల్‌ (సాదుల ధర్మరాజు), నన్నపనేని రాజకుమారి (కన్నం రాజ్‌కుమార్‌)వేషదారణలతో ఉన్నవారికి ఎదుర్కొలు కార్యక్రమాన్ని నిర్వహించి వారిని ఊరేగింపుగా స్థానిక బస్టాండ్‌ మంథని-గోదావరిఖని ప్రదాన రహాదారిపైన ముత్యలపందిరి వేసి వారికి వేదమంత్రాల నడుమ తంగేడిపూలతో అక్షింతలు వేసి పసుపుకొమ్ముతో తాళికట్టాడు.
అనంతరం వీరిదద్దరు పిచ్చిపూలు, తంగేడిపూలతో ప్రతే్యకంగా తయారుచేసిన దండలు ఒకరినొకరు మార్చుకున్నారు. వివాహం తరువాత గ్రామంలో బ్యాండుమేళాలతో బారత్‌ నిర్వహించిన అనంతరం లగడపాటికి, నన్నపనేనికి అందరు కట్నాలు చదివించారు. చెప్పులు, చీపుర్లు, చాటలు, చినిగిపోయిన బట్టలు, మురికిన కూరగాయలు కట్నాల రూపంలో వారికి అందజేశారు. నడిరోడ్డుపైన పెండ్లికి వచ్చిన వారికి భోజనాలు ఏర్పాటు చేశారు. వీరి వివాహం అయిన తరువాత లగపాటి వేషదారి, నన్నపనేని వేషదారి నృత్యాలు చేస్తూ ఒకరినొకరు ఆలింగనం చేసుకుని ముద్దులు కురిపించుకున్నారు. వినూత్న రీతిలో చేసిన వీరి వివాహానికి గుంజపడుగు గ్రామంతో పాటు సిరిపురం, నాగారం, ఉప్పట్ల, పోతారం, దుబ్బపల్లి, మంథని తదితర గ్రామాలకు చెందిన ప్రజలకు గ్రామాలకు చెందిన ప్రజలు పాల్గొన్నారు.
కాగా వీరికి కట్నాల రూపంలో సమకూరిన చెప్పులు, చీపుర్లు, మురిగిన కూరగాయలను కొరియర్‌ ద్వార విజయవాడలోని లగడపాటి ఇంటికి పార్శిల్‌ చేయనున్నట్లు నిర్వాహకులు తెలిపారు. ఈ కార్యక్రమం జె ఏసి నాయకులు సర్పంచ్‌ ఊదరి ఓదెలు, ఎంపిటిసి ఊదరి శంకర్‌, నాయకులు ఊదరి లచ్చయ్య, కొంతం రాజు, బొగె తిరుపతి, రాంపల్లి సమ్మయ్య, కుంట శ్రీనివాస్‌, వెంకటేశం, సుగుణాకర్‌తో పాటు పలువురు పాల్గొన్నారు. సందర్భంగా దాదాపు నాలుగు గంటల పాటు రోడ్డుపైన వాహానాలు నిలిచిపోయాయి.
గోనెప్రకాశ్‌రావు డూప్‌కు ఉరి
గుంజపడుగ గ్రామంలో ఒక పక్క లగపాటి, నన్నపనేని లవివాహాం జరుగుతుండగా తెలంగాణాలో పుట్టిపెరిగి ద్రోహాంచేసే విధంగా వ్యవహారిస్తున్న గోనె ప్రకాశ్‌రావు డూప్‌ను చెట్టుకు ఉరివేసి నిరసన వ్యక్తం చేశారు. నేనే తెలంగాణ ద్రోహిని అంటూ ఆయన చేతిలో ప్లకార్డులు పెట్టారు.
.
తెలంగాణా కోసం విష్ణు సహస్ర నమ పారాయణం చేస్తున్న మహిళలు
